விளக்குமாறு வகைகள்: தென்னை, பனை, புல் — எது எதற்கு?

கடைக்கு விளக்குமாறு வாங்கும்போது "எந்த வகை அதிகம் விற்கும்?" என்பதுதான் முக்கிய கேள்வி. தமிழ்நாட்டில் பொதுவாக கிடைக்கும் விளக்குமாறு வகைகள் நான்கு: தென்ன ஈக்கி (ஈர்க்குச்சி), பனை ஈக்கி, புல் விளக்குமாறு, பிளாஸ்டிக் விளக்குமாறு. ஒவ்வொன்றும் ஒரு வேலைக்கு ஏற்றது. இந்த கட்டுரையில் எந்த வகை எந்த தரைக்கு, எந்த வாடிக்கையாளருக்கு ஏற்றது என்று எளிமையாக பார்ப்போம்.

முதலிலேயே ஒன்று சொல்லிவிடுகிறோம்: ராமநாட் அக்ரோ தென்ன ஈக்கி மற்றும் பனை ஈக்கி விளக்குமாறுகளை மட்டுமே மொத்தமாக வழங்குகிறது. புல், பிளாஸ்டிக் விளக்குமாறுகளை நாங்கள் விற்பதில்லை; ஒப்பிட்டுப் பார்க்க மட்டும் இங்கே சொல்கிறோம்.

விளக்குமாறு வகைகள் — ஒரே பார்வையில்

1. தென்ன ஈக்கி விளக்குமாறு (ஈர்க்குச்சி / தென்னை துடைப்பம்)

தென்னிந்திய வீடுகளில் அதிகம் பயன்படும் விளக்குமாறு இதுதான். தென்னை ஓலையிலிருந்து இலையை உரித்து, ஈக்கியை வெயிலில் உலர்த்தி, ஒரு முனையில் கட்டி செய்யப்படுகிறது. ஈக்கி மெல்லியது, வளையக்கூடியது — அதனால் வீட்டு உள், கடை வாசல், தினசரி பெருக்கலுக்கு வசதி. ஈரமான தரையிலும் பயன்படுத்தலாம்.

ராமநாதபுரம் தென்னந்தோப்புகளில் வாரந்தோறும் ஓலை வெட்டப்படுவதால் ஆண்டு முழுவதும் சீராக கிடைக்கும். எங்கள் தென்ன ஈக்கி விளக்குமாறு சுமார் 75–90 செ.மீ நீளம், ஒன்று சுமார் 350–500 கிராம். 10 அல்லது 25 கொண்ட கட்டுகளாக வருகிறது. விவரங்கள்: தென்ன ஈக்கி விளக்குமாறு மொத்த விற்பனை.

2. பனை ஈக்கி விளக்குமாறு

பனை ஓலையின் ஈக்கி தென்னையை விட தடிமனானது, கடினமானது. கல், சேறு, ஈர இலை, தானிய தூசி போன்றவற்றை நன்றாக தள்ளும். அதனால் அரிசி ஆலைகள், கொப்பரை களங்கள், குடோன்கள், நகராட்சி துப்புரவு, பெரிய முற்றம் உள்ள வீடுகள் இதையே விரும்புகின்றன.

ஒரு கவனிப்பு: பனை ஈக்கி கடினமானது என்பதால் பளபளப்பான டைல்ஸ், மார்பிள் தரைக்கு ஏற்றதல்ல. எங்கள் பனை விளக்குமாறு சுமார் 85–105 செ.மீ நீளம், ஒன்று சுமார் 500–750 கிராம், ஈக்கி கழலாதபடி இரட்டை கட்டு, 10 கொண்ட கட்டுகள். விவரங்கள்: பனை ஈக்கி விளக்குமாறு மொத்த விற்பனை.

3. புல் விளக்குமாறு

மென்மையான புல் அல்லது பூ குச்சியால் செய்யப்படுவது. வீட்டு உள் நுண்ணிய தூசியை பெருக்க பலர் இதைப் பயன்படுத்துகின்றனர். ஈரமான தரையிலும் வெளிப்புறத்திலும் இது அவ்வளவு வசதியில்லை. இது நாங்கள் வழங்கும் பொருள் அல்ல.

4. பிளாஸ்டிக் விளக்குமாறு

டைல்ஸ் தரை கழுவ, பாத்ரூம் போன்ற இடங்களில் பயன்படுகிறது. இதுவும் நாங்கள் விற்பதில்லை. இயற்கைப் பொருள் வேண்டும் என்று கேட்கும் வாடிக்கையாளர்களுக்கு தென்ன அல்லது பனை ஈக்கி விளக்குமாறு ஒரு மாற்று.

தென்னையா பனையா — எப்படி தேர்வு செய்வது?

• வீட்டு உள், தினசரி பெருக்கல் → தென்ன ஈக்கி.
• முற்றம், வாசல், தோட்டம், ரோடு → பனை ஈக்கி.
• ஆலை, குடோன், கோழிப் பண்ணை → பனை ஈக்கி (கடின, நீண்ட பயன்பாடு).
• மளிகை / சூப்பர் மார்க்கெட் → தென்ன ஈக்கி வேகமாக விற்கும்; பனை ஈக்கியையும் சிறிது வைத்தால் வெளிப்புற தேவையுள்ள வாடிக்கையாளர்களையும் பிடிக்கலாம்.

கடின தினசரி பயன்பாட்டில் தடிமனான ஈக்கி என்பதால் பனை விளக்குமாறு பொதுவாக தென்னையை விட நீண்ட காலம் உழைக்கும். ஆனால் தரையும் பயன்பாட்டு அளவும் பொறுத்து இது மாறும்.

மொத்தமாக வாங்கும்போது விளக்குமாறு தரம் பார்ப்பது எப்படி?

1. ஈக்கி உலர்ந்ததா? ஈரமான ஈக்கி குடோனில் பூஞ்சை பிடிக்கும்.
2. இலைக் கழிவு நீக்கப்பட்டதா? கழிவு அதிகம் இருந்தால் எடை மட்டும் கூடும்.
3. கட்டு உறுதியா? கையால் இழுத்தால், உதறினால் ஈக்கி வரக்கூடாது.
4. ஒரு கட்டுக்குள் சீரான நீளமா? கடையில் அடுக்கி வைக்க இது முக்கியம்.
5. கட்டு எண்ணிக்கையும் சராசரி எடையும் — ஈக்கி பருமன் இயற்கையாக மாறுவதால் எடை சற்று மாறும்; கட்டு எண்ணிக்கையும் சராசரி கட்டு எடையும் வைத்து சரிபார்க்கவும்.

கடைக்காரர்களுக்கு: ஸ்டாக் வைக்கும் குறிப்புகள்

விளக்குமாறு வேகமாக விற்கும் பொருள், ஆனால் தவறாக சேமித்தால் சீக்கிரம் கெட்டுப்போகும். சில எளிய குறிப்புகள்:

• வகை கலவை — உங்கள் பகுதி வாடிக்கையாளர்களைப் பாருங்கள். நகரப் பகுதி கடை என்றால் தென்ன ஈக்கி அதிகம், பனை ஈக்கி குறைவாக. கிராமம், பண்ணை, ஆலை பகுதி என்றால் பனை ஈக்கியும் கணிசமாக வையுங்கள்.
• ஈரமில்லாத இடம் — கட்டுகளை தரையில் நேரடியாக வைக்காமல் பலகை அல்லது ரேக் மேல் வையுங்கள். மழைக்காலத்தில் ஈரம் பட்டால் ஈக்கி கருத்து பூஞ்சை பிடிக்கும்.
• கட்டு அளவு — தென்ன ஈக்கி 10 கொண்ட கட்டு சிறிய கடைகளுக்கு வசதி; 25 கொண்ட கட்டு மொத்த வியாபாரிகளுக்கு வசதி.
• முன்கூட்டியே ஆர்டர் — லாரி லோடுக்கு 3–5 வேலை நாட்கள் ஆகும். ஸ்டாக் முடியும் முன்பே அடுத்த ஆர்டர் போடுங்கள்.

விளக்குமாறு விலை எதைப் பொறுத்தது?

விளக்குமாறு மொத்த விலை ஒரு விளக்குமாறின் எடை (ஈக்கி எண்ணிக்கை), நீளம், சுத்தமாக முடிக்கப்பட்ட விதம், சாதாரணமா கைப்பிடியுடனா, மொத்த எண்ணிக்கை, உங்கள் ஊருக்கான லாரி வாடகை — இவற்றைப் பொறுத்தது. பனை ஈக்கி பிப்ரவரி முதல் செப்டம்பர் வரை அதிகம் கிடைக்கும் என்பதால் பருவமும் விலையை பாதிக்கும். அதனால் உங்கள் ஆர்டருக்கு ஏற்ப அன்றைய விலை சொல்கிறோம்.

பழக்க வழக்கங்கள் பற்றி ஒரு வார்த்தை

விளக்குமாறு வைக்கும் முறை, வாங்க உகந்த நாள் பற்றி பல குடும்பங்களில் பாரம்பரிய நம்பிக்கைகள் உண்டு; அவை ஊருக்கு ஊர் மாறுபடும். நடைமுறையில் சொல்லக்கூடியது ஒன்றுதான் — விளக்குமாறை ஈரமில்லாத, காற்றோட்டமுள்ள இடத்தில் வைத்தால் நீண்ட நாள் உழைக்கும்.

கடைகளுக்கு மொத்த விலையில் வாங்க

முதல் முறை வாங்குகிறீர்கள் என்றால், மொத்த ஆர்டருக்கு முன் மாதிரி வாங்கி ஈக்கியின் தடிமன், கட்டின் உறுதி, நீளம் ஆகியவற்றை நீங்களே பாருங்கள். உங்கள் வாடிக்கையாளர்களிடம் காட்டி அவர்கள் கருத்தையும் கேட்கலாம். அதன் பின் தைரியமாக லாரி லோடு போடலாம்.

தென்ன, பனை இரண்டுக்கும் குறைந்தபட்ச ஆர்டர் 100 கட்டுகள். கூரியர் செலவில் மாதிரி கட்டு அனுப்புவோம். 50% முன்பணம் கொடுத்து புக் செய்யலாம்; மீதி பில்டி காட்டிய பின். லாரி அல்லது பார்சல் மூலம் அனுப்புகிறோம். இரண்டு வகைகளையும் தென்ன ஈக்கி, பனை ஈக்கி பக்கங்களில் ஒப்பிடலாம். கடைக்கு பாய், கயிறு வேண்டுமானால் பனை ஓலை பாய் வழிகாட்டியையும் பாருங்கள்.